ሄኖክ፡ መውደቕቲ ኣጋጢምዎ

ቤልጅዩማዊ ተቐዳዳማይ ክለብ ሶዳል
ኲክ ስተፕ ቲም መርሌር፡ ትማሊ ንራብዐይ
መድረኽ ዙር ኣልዑላ ብምዕዋት፡ ንኻልኣይ ግዜ
ተኸታታሊ ናይ መድረኽ ዓወት ኣመዝጊቡ።
እዚ 140.26 ኪሎሜተር ዝሸፈነ መድረኽ፡
ብ3 ሰዓት፡ 11 ደቒቕን 43 ካልኢትን እዩ –
ብዓወት መርሌር ተዛዚሙ። ብርያን ኮካርድን
ካስፐር ቫን ኡደንን ከኣ፡ ካልኣይን ሳልሳይን
ኣትዮም። ኤርትራዊ ተቐዳዳማይ ክለብ
ተረንጋኑ መርሃዊ ቅዱስ ድማ፡ ሰለስተ
ካልኢታት ጥራይ ድሒሩ መበል 15 ደረጃ
ኣትዩ።
ይዅን’ምበር፡ ኤርትራዊ ኣባል ኣስታና
ሄኖክ ምሉእብርሃን፡ ውድድር ክዛዝም 6.5
ኪሎሜተር ጥራይ ምስ ተረፎ ምስ 10 ካልኦት
ሓደጋ መውደቕቲ ስለዘጋጠሞ፡ ውድድሩ
ክዛዝም ኣይከኣለን። በዚ ኸኣ እዚ መንእሰይ፡
ካብዚ ናይ ሎሚ መዛዘሚ መድረኽ ተኣልዩ
ኣሎ።