ኣብ 78 ዓመት ዕድሚኡ 54 ዓመት ንሃገሩ ዝወፈየ

ላዕለዎት ሰበ ስልጣን መንግስትን/ህግደፍን ላዕለዎት ኣዘዝቲ ሰራዊትን ኣብ ዝተረክብሉ ኣብ መካነ መቓብር ሓርበኛታት ኣስመራ መራሕቲ ሃይማኖት ስድርኡን ቡጾቱን ህዝብን ኣብ ዝተረክበሉ ብክብ ዝበለ ስነ ስርዓት ተፈጺሙ።

ኣብ ኑኡስ ዕድሚኡ ኣብ 1970 ኣብ ህዝባዊ ሓይልታት ኤርትራ ዝተሰለፈ ገዲም ሓርበኛ ተጋዳላይ ኣምባሳደር

ኣሕመድ ጣህር ባዱሪ ብዝሓደሮ ሕማም ብ30 ጥሪ

2024 ኣብ 78 ዓመት ዕድሚኡዩ ተሰዊኡ።

ስውእ ገዲም ተጋዳላይ ኣምባሳደር ኣሕመድ ጣሕር

ባዱሪ ካብ 78 መዋእል ዕድሚኡ እተን 54 ዓመታት

ንህዝቡን ሃገሩን ዝወፈየ ገዲም ሓርበኛ ተቃላሳ’ዩ።

ኣምባሳደር ኣሕመድ ኣብ እዋን ሓርነታዊ ቃልሲ ኮምሽነር ሓይሊ ብሙኳን ተዋጊኡን ዘዋገኤን ድሒሩ ወኪል ህዝባዊ

ግንባር ኣብ የመን ፥ ኩዊየት ፥ ሱዳንን ፥ ሓላፊ ዜናን ኣባል

ማእከላይ ሽማግለ ህዝባዊ ግንባርን ፥ ሰክሪታሪያ ክፍሊ

ወጻኢ ጉዳያት ኮይኑ ብተወፋይነት ዝተቃለሰ ሓርበኛዩ።

ድሕሪ ናጽነት ፥ ከም ኮምሽነር ጉዳይ ስደተኛታት ኤርትራን

ኮምሽነር ማእከል ወፍሪ ኤርትራ ፥ ቀዋሚ ወኪል ኤርትራ

ኣብ ውድብ ሕቡራት ሃገራት ኣባል ሃገራዊ ባይቶ ኤርትራን

ብሙኳን ካብ 78 ዓመት ዕድሚኡ 54 ዕመታት ንህዝቡ

ብምውፋይ ዘገልገለ ገዲም ሓርበኛ ተጋዳላይዩ።

ስውእ ሓርበኛ ተጋዳላት ኣሕመድ ጣሕር ባዱሪ

ብዓል ሓዳርን ኣቦ ክልተ ውሉድን’ዩ።

ንስድራቤትን ፥ መቃልስቱን ፥ ብጾቱን ፥ ንመላእ

ህዝቢ ኤርትራን ጽንዓት ይሃብ።

ምስንዳእ ኣዳል ድምጺ ኤርትራዊያን።